«Մեր պատմությունը»
Մեր պատմությունը սկիզբ է առել ընտանիքի պապից: Նա անսահման հյուրասեր մարդ էր և սիրում էր համեղ պատրաստել: Ծառուկ պապը հաճախ էր սեղան գցում Առինջ գյուղի իր տան բակում, հյուրեր ընդունում, հյուրասիրում իր պատրաստած ուտեստները: Ժամանակի ընթացքում նա որոշում է իր տան ներքնահարկում ռեստորան բացել՝ իրեն տրված խոհարարական շնորհը վերածելով եկամտի աղբյուրի:
1991-1992թթ. Առինջ գյուղում նրա «Փոքրիկ Ստեփանոս» ռեստորանը, որն ի պատիվ թոռնիկի էր կոչել, ամենամեծն էր ու սիրվածը շատերի կողմից: Ծառուկ պապի համեղ խոհանոցի, ջերմ հյուրասիրության ավանդույթն այժմ շարունակում են ընտանիքի անդամները՝ ի դեմս «Գինետուն» ռեստորանի: